Отбасы – адам өміріндегі ең қымбат құндылық.
Әр бала үшін отбасы – мейірім мен махабаттың, жылулық пен қамқорлықтың мекені. Баланың
бойындағы адамгершілік қасиеттер, қарым-қатынас мәдениеті, жауапкершілік, өзіне деген сенім ең
алдымен отбасынана қалыптасады.Ал ата-анамен бірге өткізілген әрбір сәт баланың жүрегінде өшпес із қалдырады. Сол сәтке орай, 10 қырқүйек 2026 жылы №82 «Айару» балабақшамызда отбасы мүшелерінің бірлігін, белсенділігін және ұйымшылдығын арттыру мақсатында «Супер отбасы» эстафеталық сайысы ұйымдастырылды.
Сайыстың негізгі мақсаты: отбасы құндылықтарын дәріптеу, ата-ана мен бала арасындағы жылы қарым-қатынасты нығайту, бірлескен әрекет арқылы балалардың белсенділігін арттыру, салауатты өмір салтын насихаттау және отбасылық ұйымшылдықты қалыптастыру.
Эстафета барысында ата-аналар мен балалар бірнеше қызықты әрі көңілді эстафеталық түрлі тапсырмаларды орындап, өздерінің шапшандығын, ептілігін, тапқырлығын, төзімділігін, жылдамдығын және ұйымшылдығын көрсете білді. Ата- аналар сайыста бір-біріне қолдау көрсетуді, жеңіске бірге ұмтылуды және командалық рухты сезінді. Әрбір кезең қатысушыларға ерекше өтті деп ойлаймыз.
Балабақша мен отбасының өзара тығыз байланысы баланың жан-жақты дамуына үлкен мүмкіндік береді.
Бірлік бар жерде – жеңіс бар! Барлық қатысушыларға белсенділіктері мен жарқын көңіл-күйлері үшін алғысымызды білдіреміз!
Грамота табыстау сәттер. Жеңістеріңіз құтты болсын!!!
